Raftákn - Verkfræðistofa

Þann 26. apríl s.l. hélt Kevan Shaw lýisngarhönnuður frá Edinborg fyrirlestra um annars vegar orkunýtingu bygginga og hins vegar um ljóstvista (LED). Kevan er margverðlaunaður lýsingarhönnuður og mikill áhugamaður um lýsingu og ljósgæði.

Arkitektum og hönnuðum var boðið af koma og hlíða á fyrirlestrana og þekktust margir boðið. Fyrirlestrarnir voru fróðlegir og skemmtilegir og áformað er að gera meira af því að efna til fyrirlestrahalds og fræðslufunda okkur og öðrum til fróðleiks og skemmtunar.

Kevan Shaw var hér á landi á vegum Halldórs Steins Steinssen lýsingarhönnuðar og nutum við góðs af því. Hann hélt einnig fyrirlestur um LED hjá Ljóstæknifélagnu.

Nú er farið að síga á seinni hlutann í Siemens verkefninu á Hellisheiðinni.

Undanfarin sjö ár hafa starfsmenn Raftákns unnið að uppsetningu og forritun á stýrikerfum fyrir Hellisheiðarvirkjun, sem undirverktakar Siemens sem átti lægsta boð í stýrikerfi virkjunarinnar.

Fyrstu árin voru hér á landi erlendir starfsmenn frá þeim ásamt starfsmönnum Raftákns,  en síðustu fjögur árin hafa starfsmenn Raftákns séð alfarið um alla forritunarvinnu varðandi þeirra hluta á Heiðinni.

Lesa meira

Þann 6. Október s.l. var skrifað undir „Siemens Solutions Partner“ samning milli Raftákns og Siemens. Þessi samningur er vottun frá Siemens og einungis veitt samstarfsaðilum sem uppfylla þeirra kröfur um þekkingu og færni í lausnum á sviði sjálfvirknivæðingar.

Svona samningur opnar ýmsa möguleika fyrir Raftákn að taka að sér verkefni bæði hérlendis og erlendis.

Fyrirtækið er ákaflega stolt af starfsmönnum sínum og telur þetta staðfestingu á því að mikil þekking, færni og reynsla býr í mannauði þess. Árni V. Friðriksson undirritaði samninginn fyrir hönd Raftákns. Á myndinni tekur Árni við samningnum frá Sigurði R. Jónssyni fulltrúa Smith og Norland sem er umboðsaðili fyrir Siemens á Íslandi.  Lesa meira

Raftákn fékk það skemmtilega verkefni að hanna stýringu fyrir kornþurrkun fyrir Guðjón Þ. Sigfússon bónda að Grund i Eyjafirði.

Verkefnið snýst um að hanna stýringu fyrir þurrkun á korni og repjufræjum þannig að framleiðsluvaran sé tilbúin til mölunar. Til þess þarf að ná rakastigi niður í 15%. Stýringin heldur utan um allt þurrkunarferlið, skráir upplýsingar í rauntíma og tryggir stöðugleika í gæðum vörunnar. Þessi upplýsinga skráning tryggir rekjanleika í ferlinum og auðveldar gerð gæðahandbókar.

Þegar þurrkferlinum lýkur er kornið malað og þá tilbúið í kjarnfóðurframleiðslu. Enn sem komið er verður framleiðslan ekki ætluð til manneldis en e.t.v. í framtíðinni. Lesa meira