Raftákn - Verkfræðistofa

Raftákn átti lægsta boð í hönnun rafkerfa fyrir nýtt hjúkrunarheimili fyrir aldraða sem fyrirhugað er að reisa við Vestursíðu.  Hjúkrunarheimilið samanstendur af 5 sjálfstæðum 9 íbúða húsum tengdum saman með tengigangi ásamt sameiginlegu samkomu- og þjónusturými. Þar er gert ráð fyrir samkomusal og kaffihúsi, aðstöðu fyrir iðju- og sjúkraþjálfun, hárgreiðslustofu og fótsnyrtistofu.

Áætlað er að hjúkrunarheimilið verði  tilbúið til útboðs 1. Apríl 2011.

Gamli Iðnskólinn við Þingvallastræti breytir nú um hlutverk í annað sinn. Eftir að Háskólinn á Akureyri hætti að nýta húsnæðið undir starfsemi sína og flutti alfarið að Sólborg var húsið selt og nú er verið að breyta því í hótel. Eigandi hússins nú er hlutafélagið Þingvangur.

 Raftákn sér um hönnun rafkerfa og lýsingar í hótelið

Endurhanna þarf allt húsið að innan ásamt því að byggt verður við það til suðurs og einni hæð verður bætt ofaná húsið. Hönnunarteymi Raftákns skipa Brynjólfur Jóhannsson, sem er verkefnisstjóri, Jóhannes Axelsson og Finnur Víkingsson, einnig í teymi teiknararnir Ásta Birgisdóttir og Sara Ómarsdóttir.

Staðsetning hússins gerir það ákjósanlegt til hótelrekstrar þar sem stutt verður í miðbæinn, bein leið í fjallið og sundlaugin hinu megin götunnar.

 Tölvumynd / AVH.

Bolungavíkurgöng voru opnuð fyrir umferð 25.september s.l. að viðstöddu fjölmenni.

Göngin liggja milli Bolungavíkur og Hnífsdals og taka af hinn illræmda veg undir Óshlíð, sem hefur verið einn hættulegasti vegur landsins. Þar með fækkar ó-vegunum um einn.

Göngin eru glæsilegt mannvirki eins og öll síðari tíma göng sem gerð hafa verið hér á landi.

Raftákn óskar Vestfirðingum til hamingju með þessa frábæru samgöngubót.