Lýsing og lagnir við þjónustuhús Oddeyrarbryggju
Verslanir opg þjónusta - fimmtudagur 1.okt.09 16:25 - Lestrar 325
Raftákn hannar lýsingu og raflagnir fyrir þjónustuhús sem Hafnarsamlag Norðurlands er að fara að byggja á Oddeyrarbryggju. Með gríðarlegri aukningu ferðamanna sem koma með skemmtiferðaskipum til Akureyrar hefur aukist þörfin fyrir þjónustu við þá við höfnina. AVH hannar húsið og eins og sjá má á myndinni hér til hliðar verður þetta glæsilegt hús.
Það skiptir því miklu að leggja metnað í lýsingarhönnun í og við húsið – því eins og marg sannað er setur góð lýsing punktinn yfir i-ið og undirstrikar góða og fallega hönnun.
Raftákn hefur fengið viðurkenningar frá Ljóstæknifélagi Íslands fyrir góða lýsingarhönnun.
Verkefnisstjóri Raftákns í þessu verki er Elmar Arnarson.
