Arnar M. Ellertsson
Rafmagnstæknifræðingur
Hellisheiðarvirkjun - stærsta verkefni Raftákns til þessa
Tengiliðir
Verktími:
2009 - 2017
Starfsmenn Raftákns ásamt Siemens í Þýskalandi sjá um alla forritun og uppsetningu stjórnkerfis gufuaflsvirkjunar OR á Hellisheiði. Nú þegar hafa verið gangsettar 3 vélar sem framleiða samtals 120MW.
Á árinu 2009 er svo áætlað að virkja um 130MW í varmaorku (heitu vatni) fyrir höfuðborgarsvæðið.
Þar á eftir eru frekari áform um stækkun raforkuvinnslunnar.
Stjórnkerfi virkjunarinnar nefnist PCS7 og er byggt upp af S7-400 iðnstýrivélum og WinCC skjákerfi.
Iðntölvurnar eru tengdar saman á tvöföldu ljósleiðaraneti og miðast uppbygging kerfisins við svokallað “redundancy”, þ.e. tvær miðeiningar (CPU) vinna samsíða og ef önnur fellur út heldur hin áfram.
Fjöldi miðeininga sem nú er komið í virkni er 26, allar eru af gerðinni S7 417-4H sem er stærsta eining sem Siemens framleiðir í þessari 400 seríu. Vinnsluhraði hvers CPU er um 0,03 µs.
Fjöldi stafrænna inn- og útganga er orðinn um 2500 og fjöldi hliðrænna inn- og útganga um 1000.
